Nga Redaksia:
Nëse dikur Edi Rama fliste për “rilindje” dhe “progres”, sot është kthyer në zëdhënësin më të bindur të axhendës së George Sorosit në Ballkan: shkatërrimin e familjes tradicionale shqiptare.
Në draftin e ri për “barazinë gjinore”, qeveria “socialiste” e Ramës ka hequr termat burrë dhe grua për t’i zëvendësuar me termin “gjini gjithëpërfshirëse”. Një lojë fjalësh që në thelb synon të zhbëjë çdo identitet biologjik dhe kulturor që shqiptarët kanë trashëguar prej shekujsh.
Tashmë, sipas vizionit të Sorosit, nuk ka më nënë dhe baba – por “prind 1” dhe “prind 2”. Nuk ka më vajza dhe djem – por “gjini neutrale”. E gjithë kjo, nën firmën e një kryeministri që dikur premtonte të mbronte familjen shqiptare, e sot shndërrohet në ekzekutorin e saj.
Burime brenda qeverisë pranojnë se Rama është “konsultuar” me disa OJQ të financuara ndër vite nga fondacioni “Shoqëria e Hapur për Shqipërinë” – rrjeti i njohur i Sorosit. Ndër to, Aleanca LGBTI dhe Qendra AWEN, të cilat prej vitesh marrin fonde për të promovuar konceptin e “gjinisë gjithëpërfshirëse”.
Rezultati i kësaj “konsultimi” është një projekt-ligj që nuk flet më për barazi midis burrave dhe grave, por për zëvendësimin e vetë ideve që kanë mbajtur gjallë kombin shqiptar: familja, nëna, dhe identiteti.
Ironikisht, ndërsa vende si SHBA po kthehen drejt mbrojtjes së përkufizimeve biologjike – me presidentin Trump që urdhëroi agjencitë federale të pranojnë se “gratë janë biologjikisht femra dhe burrat biologjikisht meshkuj” – Edi Rama po e çon Shqipërinë në drejtim të kundërt: drejt laboratorit social të Sorosit.
Por nuk është hera e parë që ndodh. Nga reforma në drejtësi, tek mediat dhe tani tek familja, çdo nismë që mban vulën e Ramës ka gjurmën e George Sorosit.
Rama, si çdo ushtar i bindur i perandorisë globale të Sorosit, po përpiqet ta shesë këtë projekt si “modernizim”, kur në të vërtetë është një sulm i planifikuar ndaj themelit më të shenjtë të kombit shqiptar: familjes.
Në fund të ditës, kjo nuk është thjesht një nismë ligjore. Është një betejë ideologjike midis atyre që besojnë te Zoti, te kombi dhe te familja — dhe atyre që duan t’i zëvendësojnë me “identitete fluide” dhe “gjini pa kufij”.
Dhe në këtë betejë, fatkeqësisht, Edi Rama ka zgjedhur anën e gabuar: anën e Sorosit.
Ky material është pronë e Patriotikmedia.al dhe është i mbrojtur nga ligjet për të drejtën e autorit. Ndalohet riprodhimi, apo publikimi i plotë apo i pjesshëm i këtij materiali pa lejen e shkruar paraprakisht nga redaksia. Shkelësit do të përballen me pasojat ligjore sipas legjislacionit në fuqi.